Interi ka arkëtuar tri pikë të reja në ndeshjen e javës së 34 në Serie A, të cilën e zhvilloi si mysafir i Chievos. Nerazzurrët fituan me rezultat 2-1 në përballjen e zhvilluar në Stadio Marc’Antonio Bentegodi.
Gjysma e parë nuk prodhoi gola, edhe pse nuk munguan rastet. Ivan Perisic dhe Yann Karamoh rrezikuan për zikaltrit, kurse Manuel Pucciarelli dhe Fabrizio Cacciatore patën shanset e tyre për mysafirët.
Rezultati u zhbllokua në gjysmën e dytë. Pas një goditjeje të Marcelo Brozovicit, Danilo D’Ambrosio e gjeti për mrekulli Mauro Icardin në zonë dhe argjentinasi realizoi (53′).
Nuk kaluan shumë minuta dhe mysafirët e dyfishuan epërsinë. Rafinha asistoi te Ivan Perisic dhe kroati u tregua i saktë (61′).
Në minutat shtesë, Chievo arriti ta ngushtojë epërsinë përmes Mariusz Stepinskit (90’+1) duke i bërë interesante minutat e fundit.
Interi vazhdon ta kërkojë një vend në Ligën e Kampionëve dhe aktualisht ndodhet në vend të pestë në tabelë me 66 pikë.
Mirëpo, Roma dhe Lazio, të cilët mbajnë pozitat tre dhe katër, respektivisht, kanë vetëm nga një pikë më shumë se Nerazzurrët.
Chievo numëron 31 pikë dhe është dy pikë larg zonës së rrezikut, prandaj duhet të ketë kujdes deri në mbyllje të sezonit.
Në xhiron e ardhshme, Interi zhvillon derbin ndaj Juventusit, kurse luan kundër Romës. /Telegrafi/