Interi ka fituar me rikthim 2-1 ndaj Hellas Veronas në ndeshjen e vlefshme për javën e 12-të në Serie A.
Djelmoshat e Antinio Contes kanë arritur edhe fitoren e tretë me radhë në kampionat duke rikthyer edhe pozitën e parë në tabelë.
Pjesa e parë e ndeshjes u karakterizua me dominim të Interit, por ishin vetëm mysafirët që shënuan gol.
Goli i vetëm erdhi në minutën e 19-të dhe ishte Valerio Verre, i cili shënoi nga penalltia për 0-1, ndërsa Marcelo Brozovic (27′) goditi traversën.
Në pjesën e dytë, Nerazzurrët u treguan përsëri dominues duke krijuar shumë raste, por edhe duke gjetur dy gola që ia dhuruan fitoren.
Goli i barazimit erdhi në minutën e 69-të me anë të Matias Vecinos, i cili shënoi me kokë për 1-1 pas asistimit të Valentino Lazaros, ndërsa Nicolo Barella (83′) shënoi një supergol nga distanca duke vulosur fitoren 2-1.
Pas kësaj fitore, Interi ngjitet në vendin e parë me 31 pikë apo dy më shumë se Juventusi i dyti me një lojë më pak, ndërsa Verona renditet e nëntë me 15 pikë.
Në ndeshjen e ardhshme, zikaltrit udhëtojnë te Torino, ndërsa Verona e pret në shtëpi Fiorentinën. /Telegrafi/
Gol Verre! #InterVerona #wloskarobota pic.twitter.com/qctuclLcYX
— Calcio Polonia (@CalcioPolonia) November 9, 2019
Inter 1-1 Hellas Verona (Vecino) What a pass from Bastoni, what a cross from Lazaro what a header from Vecino pic.twitter.com/6YSvLe8sZY
— InterYaCLVids (@cl_vids) November 9, 2019
Inter 2-1 Hellas Verona – Barella – With an incredible strike from distance, what a goal. pic.twitter.com/FUtNFb2H3y
— InterYaCLVids (@cl_vids) November 9, 2019