Interi fiton minimalisht ndaj Leipzigut, i falet një autogoli

Interi ka shënuar fitore minimale me rezultat 1-0 në shtëpi ndaj Leizpigut në kuadër të raundit të pestë në Ligën e Kampionëve.

Ndeshja nisi me një ritëm të ngadaltë, teksa zikalëtrit po dominon në posedim të topit duke ia pamundësuar Leipzigut që të rrezikojë.

Interi kaloi në avantazh në minutën e 28-të përmes një autogoli të Castello Lukebas i cili shënoi në portën e tij për 1-0.

Simone Inzaghi u detyrua që ta largojë nga loja francezin Benjamin Pavard i cili si pasojë e një lëndimi nuk arriti të vazhdonte.

‘Nerazzurrët’ rrezikuan portën e Leipzigut në minutën e 55-të kur gjuajtja e Denzel Dumfries përfundoi mbi traversë.

Rastin më serioz në këtë ndeshje Leipzigu e pati në minutën e 70-të me Antonio Nusan, por gjuajtja e tij u prit me shumë vështirësi nga portieri mysafir.

Vendasit patën mundësinë që ta shënojnë golin e qetësisë në minutën e 72-të, por Marcus Thuram nuk arriti që të pasojë mirë me kokë tek Lautaro Martinez.

Me këtë fitore, Interi momentalisht mban pozitën e parë në renditjen tabelare me 13 pikë të grumbulluara./Telegrafi/