Site icon Telegrafi

Interi e nis sezonin e ri në stilin e kampionit, fiton thellë ndaj Genoas

Shkumbin Pireva

Interi ka fituar me rezultat të pastër 4-0 ndaj Genoas në ndeshjen e javës së parë të sezonit 2021/22 në Serie A.

Ekipi i Simone Inzaghit e ka nisur për mrekulli mbrojtjen e titullit, pasi ka marrë tri pikët e para në ndeshjen e parë të sezonit të ri.

Pjesa e parë e ndeshjes u karakterizua me dominim të plotë të Nerazzurrëve, të cilët krijuan shumë raste, teksa shënuan edhe dy gola.

Goli i parë i ndeshjes erdhi pas vetëm gjashtë minutave lojë dhe ishte Milan Skriniar, i cili shënoi me kokë për 1-0 pas asistimit të Hakan Calhanoglu.

Mesfushori turk shpejt tregoi se është në formë duke kompletuar një debutim fantastik në Serie A me Interin, pasi shënoi supergol nga distanca në minutën e 14-të për 2-0.

Në vazhdim Interi goditi edhe një shtyllë me Edin Dzeko (24’) dhe shënoi një gol me Ivan Perisic (45+), por i cili u anulua për pozitë jashtë loje.

Pjesa e dytë ishte më e barabartë, por Interi arriti ta menaxhoj lojën mirë, inkuadroi disa lojtar të rinj dhe shënoi edhe dy gola tjerë për të siguruar fitoren.

Goli i parë në këtë pjesë erdhi në minutën e 74-të dhe ishte Arturo Vidal, i cili shënoi për 3-0 pas një asistimi me thembër të Nicolo Barellas.

Në minutën e 88-të, Interi arriti të shënojë edhe një gol dhe ishte sulmuesi i ardhur, Edin Dzeko, i cili me kokë vulosi fitoren 4-0.

Në ndeshjen e radhës, Nerazzurrët luajnë në udhëtim te Hellas Verona, ndërsa Genoa e pret Napolin. /Telegrafi/

https://twitter.com/yoryidan_rm/status/1429128704635113478

https://twitter.com/ifast222/status/1429143166259765253

https://twitter.com/ifast222/status/1429146549561475084

 

Exit mobile version