Interi është duke shpresuar që ta arrij marrëveshje me Manchester Unitedin për transferimin e Alexis Sanchezit në këto ditë të fundit të afatit kalimtar.
Sulmuesi kilian thuhet se është pajtuar që të kalojë në Giuseppe Meazza, derisa po vazhdojnë negociatat në mes të dyja klubeve.
Sipas asaj që raporton Calciomercato, Sanchez do të kalojë te Interi në formë huazimi me të drejtë blerje për 15 milionë euro në verën e vitit 2020.
Djajtë e Kuq do të paguajnë pjesën më të madhe të pagës, ndërsa Nerazzurët do të paguajnë pjesën tjetër prej katër milionë euro.
Unitedi po e largon kilianin që e transferoi në janarin e vitit 2018 nga Arsenali, pasi që nga ajo kohë nuk ka arritur ta tregojë vetën.
Transferimi i Sanchezit te Interi pritet të mbyllet në fund të kësaj jave, pasi afati i transferimeve në Itali mbyllet më 2 shtator. /Telegrafi/