Dje me datë 14 qershor u hapën aplikimet për kampin stërvitor të Real Madridit në Kosovë, ndërsa tani pas 24 orësh veçse janë regjistruar 50 fëmijë.
Klubi Mbretëror Real Madridi do të mbajë një kamp stërvitor prej pesë ditësh në Prishtinë, ku do të ketë për qëllim zbulimin dhe avancimin e talentëve të futbollit në vendin tonë.
Interesimi për pjesëmarrje në këtë kamp stërvitor është jashtëzakonisht i lartë dhe tashmë në 24 orët e fundit janë regjistruar më shumë se 50 fëmijë për të marrë pjesë në kampin stërvitor.
Fëmijët pjesëmarrës që regjistrohen përfitojnë, fanella dhe certifikatë të pjesëmarrjes.
Ky kamp stërvitor i klubit Real Madrid do të organizohet nga 19 – 23 Korrik, 2021 në Prishtinë, në fushën sportive të klubit futbollistik 2 Korriku.
Grupmoshat prej 6-16 vjeç, në total gjithsej 150 fëmijë të ndarë në tre seanca në të cilat 50 pjesëmarrës do t’i zhvillojnë stërvitjet në secilën prej tyre.
Ky kamp organizohet nga Zero Pozitive, menaxheri i sportit Robin Krasniqi dhe STE, ku po ofrojnë një mundësi të artë për talentët kosovarë.
Regjistrimet bëhen në webfaqen: frmclinicskosovo.com