Interi dhe Milani do të luajnë sot (e shtunë) mes vete në ndeshjen e parë të sezonit 2023/24 në Serie A, në derbin e madh që njihet si Derby della Madonnina.
Nerazzurrët janë nikoqir të Rossonerëve në takimin që pritet të zhvillohet në një Giuseppe Meazza të stërmbushur, pasi kjo ndeshje vjen në një kohë kur dy ekipet vijnë në formë të lartë.
Sikurse Interi, ashtu edhe Milani e kanë nisur sezonin pa humbje, duke marrë nga tri fitore radhazi në tri ndeshjet e para të sezonit 2023/24 në Serie A.
Vendi: Giuseppe Meazza
Koha: 18:00
Lajme rreth ekipeve
Inter
Interi do të luajë me të njëjtin formacion startues për ndeshjen e katërt radhazi.
Ekipi i Simone Inzaghit nuk ka asnjë lojtar të dëmtuar dhe të gjithë janë gati për këtë ndeshje.
Milan
Simon Kjaer ka të ngjarë të jetë partneri i Malick Thiaw në mbrojtje për shkak të pezullimit të Fikayo Tomorit pas përjashtimit në ndeshjen ndaj Romës.
Oliver Giroud është i lënduar, por pritet të luajë sot, ndërsa Ismael Bennacer dhe Pierre Kalulu nuk kanë asnjë gjasë për t’u paraqitur.
Fakte
Milan ka fituar si në pjesën e parë ashtu edhe në atë të plotë në gjashtë ndeshjet e fundit në Serie A.
Interi ka fituar 10 nga 11 ndeshjet e fundit në Serie A.
Interi ka fituar si në pjesën e parë ashtu edhe në atë të plotë në 8 nga 9 ndeshjet e fundit në Serie A.
Interi ka fituar katër ndeshjet e fundit ndaj Milanit në Derby della Madonnina.
Analizë
Interi ka nisur me një fillim të shkëlqyer këtë sezon në Serie A me nëntë pikë nga tre ndeshjet e para dhe zero gola të pësuar deri më tani.
E njëjta gjë mund të thuhet edhe për Milanin, nënshkrimet e verës së të cilit janë përshtatur mjaft mirë në Serie A deri më tani.
Të dyja ekipet janë kandidatët kryesorë për të luftuar për Scudetton siç qëndrojnë gjërat, megjithëse ky Derby della Madonnina është ndoshta shumë herët për të vlerësuar potencialin e plotë të të dyja skuadrave.
Interi ka fituar secilin nga katër derbet e fundit në të gjitha garat pa pësuar gol dhe është favorit falë thellësisë së skuadrës së tij superiore, por Milani ka individë emocionues që mund të ndryshojnë paksa ekuilibrin e lojës në favor të tyre.
Formacionet e mundshme
Inter (3-5-2): Sommer; Darmian, De Vrij, Bastoni; Dumfries, Barella, Calhanoglu, Mkhitaryan, Dimarco; Lautaro, Thuram;
Milan (4-3-3): Maignan: Calabria, Kjaer, Thiaw, Hernandez; Loftus-Cheek, Krunic, Reijnders; Pulisic, Giroud, Leao.
Parashikimi: Inter 2-1 Milan
/Telegrafi/