Është raportuar se Interi është vënë në kërkim të mesfushorit të Napolit, Piotr Zielinski, për të cilin të interesuara janë edhe Lazio dhe Juventus, por kjo mund të varet nga Henrikh Mkhitaryan.
Zielinski do të jetë një lojtar i lirë në fund të sezonit aktual, pasi kontrata e tij përfundon në qershor 2024 dhe bisedimet për vazhdimin e saj duket se kanë ngecur, pasi ai refuzoi uljen e pagës prej 30 për qind.
Një ribashkim me trajnerin e tij të vjetër të Napolit, Maurizio Sarri është një opsion, ndërsa Juventusi është gjithashtu i interesuar për polakin.
Sipas FCInterNews.it, ekziston vetëm një skenar që do të shihte Interin të bashkohej në garë për të siguruar shërbimet e Zielinskit dhe kjo është nëse Mkhitaryan do të largohej.
Armeni ka kontratë valide deri në fund të këtij sezoni por ka dhënë shenja se do të dëshironte të vazhdonte në “San Siro”.
Sidoqoftë, nëse vjen një ofertë nga Arabia Saudite që do të dyfishonte pagën e tij aktuale, ai me gjasë do ta merrtë në konsideratë./Telegrafi/