Me popullaritetin e madh të chatbotit ChatGPT, lindi frika nëse disa punëtorë do të zëvendësohen nga Inteligjenca Artificiale.
Richard Baldwin, një ekonomist dhe profesor në Institutin e Diplomuar të Gjenevës në Zvicër, thotë se nuk ka asgjë për t’u shqetësuar – për sa kohë që njerëzit dinë se si ta përdorni atë, transmeton Telegrafi.
“Inteligjenca Artificiale nuk do të marrë punën tuaj”, tha Baldwin gjatë një paneli në Samitin e Rritjes së Forumit Ekonomik Botëror 2023. “Është dikush që përdorë Inteligjencën Artificiale që do ta marrë punën tuaj”.
Inteligjenca Artificiale, deklaroi Baldwin, ka potencialin për të ndihmuar punëtorët të bëjnë punën e tyre më mirë. Një infermiere që përdor një mjet mjekësor të Inteligjencës Artificiale, për shembull, do të ishte “shumë më i aftë se sa ishte më parë”, tha ai.
“Inteligjenca Artificiale është në thelb urtësi në një kanaçe”, tha ai. “Po u jep më shumë fuqi të gjithë punëtorëve, por veçanërisht atyre punëtorëve mesatarë”.
Profesori tha se mjetet sikurse ChatGPT do të barazojnë punën e shtrenjtë dhe të talentuar të disa punëtorëve me 20 vjet eksperiencë brenda një nate. /Telegrafi/