Futbollisti i Manchester Unitedit, Marcos Rojo, akuzohet se ka paguar një instruktore fitnesi që të mos flasë për lidhjen mes tyre.
Instruktores Sarah Watson i janë ofruar 100.000 funte që të mos flasë për marrëdhënien me lojtarin argjentinas.
Sipas Daily Mail, 25-vjeçari i cili paguhet 200.000 funte në javë te United, është takuar me Watson gjatë një feste në dhjetorin e kaluar.
Fillimisht u dyshua se instruktorja po kërkonte të përfitonte nga e gjithë kjo histori, por në fakt ishte futbollisti ai që ka kërkuar t’i paguajë asaj një shumë të madhe parash për ta kthyer historinë në favor të tij, transmeton Shekulli.
34-vjeçarja tregon se gjatë festës në një bar në Mançester, Rojo i është afruar duke i thënë se ishte femra më e bukur në lokal. Ajo më pas ia ka dhënë numrin e telefonit argjentinasit.
Pasi kanë shkëmbyer disa mesazhe, instruktorja dhe argjentinasi kanë përfunduar në dhomën e gjumit.
“E bëra se më pëlqente ai, jo për para apo me qëllimin për të shitur lajmin”, ka treguar ajo. /Telegrafi/
