Forumi për Iniciativa Qytetare të hënën ka bërë ndarjen e Çmimeve për Qytetari Aktive.
Qëllimi i këtij organizimi ka qenë identifikimi dhe vlerësimi i organizatave dhe personave, që angazhohen në kauzat të cilat ndikojnë në përmirësimin e jetës së qytetarëve të Kosovës.
Organizatori i kësaj ngjarje, Mentor Dida, ka thënë se nominimi i laureatëve është bërë përmes rrjetit social Facebook, me propozimet që janë bërë nga ana e qytetarëve.
Sipas tij, qytetarët janë zgjedhë prej qytetarëve, ajo është bërë përmes nominimit në Facebook, pra nominimi për qytetari aktive.
“Është bërë një filtrim i njerëzve më serioz dhe i atyre që po bëjnë më pak mirë. Në fund kemi zgjedhë 7 finalistë për këtë çmim”, tha Dida.
Disa nga protagonistët që pranuan mirënjohjen e Iniciativës #për të mirë, ishin: Milot Hasimja, Nol Musa, Jehona Gjurgjeala, Guxim Klinaku, Elizabeth Gowing. /Telegrafi/
