Iniciativa qytetare “Për Maqedoni të përbashkët” sot do të vazhdojë me marshet protestuese në rrugët e qyteteve të Maqedonisë, duke kërkuar që të denoncohet Deklarata e partive shqiptare dhe të mos zyrtarizohet gjuha shqipe, njofton Telegrafi Maqedoni.
Gjatë ditës së djeshme përfaqësuesit e kësaj iniciative, përmes një performance të veçantë shënuan ditën e 50-të të protestave.
Nga kjo iniciativë gjatë protestave të tyre kanë lëshuar kritika të ashpra edhe ndaj bashkësisë ndërkombëtare dhe ambasadorëve të huaj në vend, duke kërkuar nga ata të mos përzihen në punët e brendshme të Maqedonisë si dhe është shfrytëzuar mundësia për gjuhë të urrejtjes. /Telegrafi/