Javën e kaluar Infiniti ka publikuar disa imazhe të veturës së saj virtuale Concept Vision GT SuperCar Turismo (për video lojën Gran Turismo 6).
Ky është një tjetër koncept i veçantë sportiv i kësaj loje, për të cilin tashmë janë të interesuar një numër i madh i prodhuesve, përfshirë Aston Martin, Acura, Mercedes, BMW, Chevrolet, Subaru, Volkswagen, Toyota, Mitsubishi, Nissan…
Sa i përket konceptit Vision GT Turismo, kompania Infiniti nuk ka zbuluar më shumë detaje, por ka deklaruar se ky projekt është më shumë se vetëm një stërvitje e zakonshme e projektimit, transmeton Koha.net.
Në deklaratë thuhet se ky është një vizion që tregon se si mund të duket Infiniti në performancë të lartë, duke vënë në dukje se për pamjen e këtij koncepti në krye ishte ekipi i dizajnit nga Pekini.
Siç mund të shihni nga fotografitë, ky koncept posedon difuzer të përparmë dhe të pasmë, spoiler të pasmë në formë unike, dhe dyert që hapen vertikalisht.