Infermierët sot kanë protestuar, duke shfaqur pakënaqësi ndaj koeficientit për paga.
Infermierët në një protestë para Klinikës së Kirurgjisë, theksuan se është e patolerueshme trajtimi që iu bëhet me Projektligjin për pagat.
Arta Sejdiu, përfaqësuesja e infermierëve, tha se në këtë protestë janë në emër të gjithë infermierëve dhe mamive.
“Jemi tubuar sot të shprehim se pakënaqësia jonë është thelluar edhe më shumë. Brenda sistemit kemi parë profesionistë të tjerë shëndetësor që kanë po të njëjtin shkollim dhe janë ranguar me koeficient më të lartë se infermierët edhe pse puna e tyre nuk i afrohet as për së afërmi punës së infermierëve e cila çdo ditë ballafaqohet me lindjen, vuajtjen dhe vdekjen”, tha ajo.
Ndërkaq, Naser Rrustemaj, nga Oda e Infermierëve tha se ata i përkrahin kërkesat e të gjitha infermierëve dhe personit shëndetësor.
“…Koeficienti i infermierëve duhet të jetë i barabartë me profesionistët e tjerë shëndetësor”, tha ai.