Partiban Durai nga Malajzia, është ndaluar derisa po transportonte ilegalisht embrione njerëzore për në Indi, që do përdoreshin për mbarsje artificiale përmes sistemit IVF.
Zyrtarët që e intervistuan në aeroportin e Mumbait, treguan edhe klinikën në Bandra West, ku ai do të dërgonte masën e mbyllur në kutinë e mbështjellë me nitrogjen, transmeton Telegrafi.
Times of india raporton se Durai, dyshohet t’i ketë bërë dhjetë udhëtime të ngjashme për në këtë klinikë, gjatë 18 muajve të fundit. Në anën tjetër, pronarët e klinikës në fjalë, kanë hedhur poshtë çdo mundësi bashkëpunimi të mëparshëm me të.
Hetuesit e qeverisë indiane, kanë gjetur mesazhet e shkëmbyera mes të ndaluarit dhe mjekëve të klinikës së dyshuar.
Gjatë vitit 2016, India e kaloi një ligj që lejonte krijimin e fëmijëve nga nëna surrogate në mënyrë vullnetare, por ndalonte nëna surrogate në mënyrë komerciale.
Embrionet që po transportoheshin ilegalisht, dyshohet se do përdoreshin për shtatzënësi të grave të varfra, që më pas do iu bliheshin fëmijët nga familje të pasura. /Telegrafi/