Ciro Immobile do të largohet nga skuadra e Torinos gjatë këtij afati kalimtar
Sulmuesi ishte golashënuesi më i mirë për Torinon në 2013-14, para se të largohej për t’u bashkuar me Borussia Dortmund, por pas dështimit për të bërë përshtypje në Bundesligë dhe në Sevilla, ai u kthye në Torino në formë huazimi për gjysmën e dytë të sezonit të kaluar, ku shënoi pesë gola në 13 paraqitje.
Por, drejtori sportivi i Torinos, Gianluca Petrachi ka thënë sot gjatë ditës së sulmuesi italian ka tjera ambicie dhe do të largohet nga klubi këtë verë.
Lexo më shumë: Lajmet e fundit nga Transferimet
“Diçka ka ndryshuar tani. Ai nuk është i bindur dhe ka ambicie të tjera. Ne nuk jemi të interesuar që të investojmë në ata që nuk janë të bindur”, deklaroi Petrachi.
Për futbollistin kanë shprehur interesim skuadrat tjera italiane, Lazio e Napoli. /Telegrafi/