Një motër medicinale hebreje ka fituar zemrat e miliona njerëzve në mbarë botën me një fotografi të postuar në internet, ku ajo shihet duke i dhënë gji një djaloshi palestinez, nëna e të cili ishte lënduar rëndë në një aksident trafiku.
Në fotografinë e shumëpërfolur shihet Ula Ostrowski-Zak duke mbajtur në duar vogëlushin, babai i të cilët ka mbetur i vdekur në vend në Ein Kerem në pjesën qendrore të Izraelit, transmeton Telegrafi.
Ajo është munduar për më shumë se shtatë orë që ta bind vogëlushin Yaman Abu Ramila që ta pi qumështin nga shishja e xhamit, ku pasi u lodh nga këto tentime të dështuara vendosi ta ushqej me gjirin e saj.
“Halla e tij është habitur se si një hebreje është pajtuar që t’i japë gji, por unë i thash se çdo nënë do ta bënte një gjë të tillë. E kam ushqyer rreth pesë herë, më pas halla e tij më ka përqafuar dhe falënderuar. Ishin të gjithë të habitur me veprimin tim”, ka deklaruar motra medicinale. /Telegrafi/