Videot dhe fotografitë e parë të anijes turistike që të enjten mbrëma për vetëm shtatë sekonda u fundos në Budapest, janë publikuar nëpër televizionet hungareze.
Fotografitë e anijes së fundosur në 7.5 metra thellësi, tregojnë se si ajo ka përfunduar e rrokullisur në pjesën anësore, transmeton Telegrafi.
E gjitha ndodhi kur dy anijet u përplasen, dhe njëra prej tyre që ishte e mbushur me turistë u fundos. E si pasojë e përplasjes kanë humbur jetën shtatë persona.
Megjithatë ekipet emergjente kanë arritur t’i shpëtojnë edhe shtatë tjerë, kurse 21 po konsiderohen të zhdukur. /Telegrafi/
