Ilkay Gudogan ka thënë se do të ishte në rregull prej anës së tij nëse Liverpooli shpallet kampion i Ligës Premier.
Futbolli në Angli është suspenduar shkaku i coronavirusit deri më 30 prill, mirëpo ende nuk është e sigurt nëse do të rifillojë.
Liverpooli është lider i ligës angleze me 25 pikë para vendit të dytë Manchester Cityt, derisa i duhen vetëm edhe gjashtë pikë që të marrë trofeun në duar.
“Do të ishte në rregull nga ana ime nëse Liverpooli e fiton Ligën Premier, duhet të jeni një njeri sportiv”, ka thënë Gudogan.
“Këtë sezon, askush nuk e ka merituar titullin më shumë se Liverpooli. Ata kanë qenë sensacional, kanë siguruar 82 pikë në maksimum prej 87”, ka shtuar më tej ai.
Por, nëse Liga Premier suspendohet, atëherë The Reds nuk mund të marrin titullin në duart e tyre.
Skuadra angleze ka më shuam se 30 vite që pret të fitojë ligën, ndërsa për fatin e tyre të hidhur, këtë vit shpërtheu pandemia coronavirus. /Telegrafi/