Këto ditë, njëra nga femrat më atrakive shqiptare, Ilda Bejleri, ka qenë tejet e komentuar në shtypin rozë.
Kjo për faktin se bukuroshja e ‘DigitAlb’ thuhej se po largohej nga Supersport, pas disa mosmarrëveshjeve që kishte me komentatorin sportiv, Dritan Shakahoxha.
Megjithatë, duket se prezantuesja shqiptare ka vendosur të reagojë rreth kësaj përmes një postimi të ndarë nga pushimet e saj në Greqi.
“Kam nevojë për njerëz të rinj që më urrejnë, të vjetrit më janë kthyer në fansa”, ka shkruar mes të tjerash ajo, teksa në video vë në pah linjat trupore.
Ajo po shijon pushimet në një nga ishujt luksozë, Mykonos, derisa ditë më parë replikoi me fansat për para, gjersa u kritikua se është vetëm gazetare dhe bën jetë mjaft të shtrenjtë.
Ndërkaq, Ilda është prej vitesh imazhi kryesor i sportit në DigitAlb. /Telegrafi/