Idrizi i reagon Bajqinovcit: Vetëvendosje me hipokrizi po mundohet të afrohet me PDK-në

Elfije Boletini

4 years ago

Deputetja e Kuvendit të Kosovës nga radhët e PDK-së, Valdete Idrizi, përmes një reagimi në Facebook ka thënë se deputeti I Lëvizjes Vetëvendosje, Mefail Bajqinovci këshillat për nepotizëm, korrupsion e banditizëm, Mefaili duhet t’ia jap partisë së vet.

Idrizi përmes një postimi në rrjetin social në Facebook i ka kujtuar Bajqinovcit se brenda 50 ditëve qeverisje të LVV-së ka pasur keqpërdorime që janë bërë nga ta.

Deputetja e PDK-së po ashtu ka thënë se partia e saj vijat e kuqe ia ka vënë vetëm Serbisë, për dallim nga partitë tjera shqiptare në Kosovë.

“Rikujtim: PDK e ka të qartë se kujt i’a vendos vijat e kuqe, e ajo është Serbia. Sa i përket korrupcionit, nepotizmit e banditizmit Mefaili është mirë që këto këshilla t’i japë partisë së vet. Ai e din mirë se gjysma e kabinetit qeverisës në Komunën e Prizrenit është me akt-akuza për krim e korrupsion. Me që e paska luajtur këshilltarin, është mirë që këshillat e kësaj natyre t’i jep tek udhëheqësit komunal në Mitrovicë, se si ta ndalin korrupsionin, nepotizmin dhe banditizmin. Me këtë hipokrizi nuk e bind askënd sepse veprimet korruptive në këto dy komuna nuk mund t’ua fshehësh jo vetëm qytetarëve të tyre që po i vuajnë pasojat, por duhet t’i lexosh edhe të gjeturat e auditorit gjeneral. Mefaili si duket shpejt harroi se nepotizëm e korrupsion pati edhe për ato 50 ditë qeverisje nga Lëvizja Vetëvendosje. E din mire që gjatë këtyre 50 ditëve më shumë ka marrë vendime për borde e rahatime të militantëve partiak nëpër institucione se sa vendime për të menaxhuar me Pandeminë e krizën ekonomike. Si duket edhe blerjen e barnave dhe pajisjeve tjera anti COVID-19 me çmime shumëfish më të mëdha, gjë që është vërtetuar edhe nga organizatat vendore e ndërkombëtare, mundohen ta shesin si përpjekje të ndershme.”, ka thënë Idrizi duke shtuar sekëto janë vetëm taktika hipokrite nga ana e Vetëvendosjes e cila po mundohet të afrohet me PDK-në. “Hallin e Lëvizjes Vetëvendosje duhet ta vendosni në sipërfaqe, sepse edhe ju sikur të tjerët, po vuani që të afroheni me PDK-në, vetëm se ju po mundoheni me hipokrizi ta bëni një gjë të tillë. P.S: dhe mos të harrojmë LVV nuk pati vija të kuqe për testet e Serbisë”. /Telegrafi/