Fatmire Alushi, ish-futbollistja shqiptare që e ka përfaqësuar Gjermaninë, ka shprehur ngushëllimet e saja pas lajmit për vdekjen e Florijana Ismailit.
Trupi i pajetë i lojtares së Young Boys u gjet të martën pas kërkimeve katërditore të 24-vjeçares, e cila ishte zhdukur pas hedhjes në Liqenin Como në Itali.
Ndërsa e gjitha bota e sportit po vazhdon ta vuajë humbjen e saj, ndërsa pikëllimin e tyre e kanë shprehur përmes postimeve në rrjetet sociale.
“Pusho e qetë Flori. Pafundësisht e pikëlluar me këtë lajm. Ngushëllimet e mia familjes dhe të gjithë atyre që e kanë dashur Florin, le të ketë një vend të bukur në Parajsë”, ka shkruar Alushi, e cila ka qenë idhulli Florijanës në futboll.
Kosovare Asllani, futbollistja shqiptare që është kualifikuar në gjysmëfinale të Kampionatit Botëror me Suedinë, e ka publikuar një fotografi të Florijanës me mbishkrimin: “Pusho në paqe Florijana. Zemra ime është me ty dhe familjen tënde në këto çaste të vështira”.
Për Pajtim Kasamin, sot ishte dita më e keqe në karrierën e tij. “Lutjet dhe mendimet e mia janë me familjen e Florijana Ismailit”, ka shkruar ai. /Telegrafi/
Today was one of the saddest days in my career after hearing such devastating news.
My prayers and thoughts goes to the family of Florijana Ismaili 🙏🏼
Rest in peace. 🙏🏻 pic.twitter.com/WIk4HgBWLm
— Pajtim Kasami (@PajtimKasami) July 2, 2019