Presidenti i Real Madridit, Florentino Perez thuhet se dëshiron ta bëjë superyllin e Manchester City, Rodri, transferimin e tij të ardhshëm të madh.
Mesfushori spanjoll ka edhe tri vite të mbetura nga kontrata e tij në Etihad, ndërsa pritet të tundohet nga oferta e Los Blancos.
Gazetari anglez Duncan Castles raporton në The Transfers Podcast se Perez ka udhëzuar ekipin e rekrutimit të Madridit që të bëjë gjithçka që është e mundur për të nënshkruar me Rodrin.
Spanjolli ka qenë një nga mesfushorët, nëse jo më të mirët, mbrojtës në Evropë në vitet e fundit.
Lojtari 28-vjeçar luajti për Spanjën në Euro 2024, duke i ndihmuar ata të fitojnë kompeticionin. Ai ishte gjithashtu i shkëlqyer sezonin e kaluar për Cityn, duke shënuar nëntë gola dhe 14 asistime në 50 ndeshje në të gjitha garat. Ai luajti një rol të rëndësishëm në triumfin e tyre të katërt të paprecedentë të titullit në Ligën Premier.
Manchester City thuhet se është i vetëdijshëm për interesimin e Real Madridit për Rodrin dhe po tentojnë t’i ofrojnë atij një marrëveshje edhe më fitimprurëse.
Real Madrid ka disa talente në mesfushë, duke përfshirë dy mesfushorë defanzivë, Aurelien Tchouameni dhe Eduardo Camavinga. Perez duket se dëshiron të forcohet duke joshur Rodrin të kthehet në kryeqytetin spanjoll.
Rodri është i interesuar për këtë lëvizje, pasi ka kaluar pesë vite në Angli me Manchester Cityn. Ai ka fituar nëntë trofe të mëdhenj dhe ka qenë i rëndësishëm në fitimin e tripletës kontinentale nga Citizens në 2023. Reprezentuesi spanjoll mendohet të vlerësohet pak më poshtë se 100 milionë euro. /Telegrafi/