Interi i Roberto Mancinit është grumbulluar sot për herë të parë në prag të përgatitjeve për sezonin e ri.
Gjatë pasdites së sotme shumë nga lojtarët zikaltër u takuan përsëri në qendrën sportive Angelo Moratti.
Një nga të paktët lojtarët të kalibrit të lartë, që ishte nën urdhrat e trajnerit italian që nga sot, është Mauro Icardi, i cili ka folur disa fjalë për objektivat e klubit pas blerjes nga ‘Suning Commerce Group’.
“Kemi bërë disa pushime, por shpirti ka qenë gjithmonë i njëjti, ku dëshirojmë të bëjmë më të mirën e mundshme”, deklaroi Icardi.
“Kam ndjekur gjithçka. Jam i sigurt që drejtuesit e rinj do bëjnë më të mirën për Interin, ashtu si Moratti dhe Thohir në këto vite. Objektivi është të rikthehemi te luajmë në Ligën e Kampionëve, sepse Inter është një skuadër që e meriton gjithmonë.
“Ishim afër sezonin e shkuar dhe sivjet duam ta arrijmë. Përgjegjësia për të mbajtur shiritin e kapitenit të Zanettit ishte shume e madhe dhe jam krenar”.
“Presim të gjithë tifozët në Brunico. E dimë që do jeni të shumtë dhe për ne është shumë e rëndësishme. Futbolli pa tifozët nuk është e njëjta gjë dhe ne i ndjejmë vlerat e tyre”, përfundoi kapiteni i Interit. /Telegrafi/