Mauro Icardi e pranon se ka pritur një kohë të gjatë për të debutuar në Ligën e Kampionëve me Interin.
Zikaltërit do ta presin Tottenhamin në San Siro në ndeshjen hapëse.
Kapiteni zikaltër kanë ka arritur në qytetin e Milanos në vitin 2013 e që nga atëherë nuk ka luajtur asnjëherë në garë më të madhe për klube.
“Mbaj mend ndeshjen e parë me fanellën e Interit dhe ky është një tjetër debutim”.
“Kam qenë duke e pritur qe një kohë të gjatë këtë ndeshje dhe shpresoj se do ta nisim me një fitore”.
Ai foli edhe për krahasimin dhe rivalitetin me Harry Kane.
“Në fund të ditës, është ekipi që luan dhe jo Icardi kundër Harry Kane. Ne shpresojmë që të kemi një ndeshje të madhe dhe kemi nevojë për fitore pas këtij fillimi në Serie A”.
“Ndihem i relaksuar. Ne jemi mësuar të kemi tifozët pas nesh, por do të jetë një lojë e veçantë dhe shpresojmë t’i bëjmë të lumtur”, ka thënë Icardi. /Telegrafi/