Ibrahimovic shënoi dy gola, por akoma i pakënaqur: Po të isha 20 vjeç, do të shënoja edhe dy të tjerë

Zlatan Ibrahimovic shënoi dy gola në fitoren e Milanit ndaj Bolognas, mirëpo sërish nuk ishte i kënaqur.

Sulmuesi veteran, i cili mbush 39 vjet në muajin e ardhshëm, realizoi për herë të parë dy gola në një ndeshje hapëse në Serie A, mirëpo do të dëshironte të kishte shënuar më shumë.

Pas një harkimi të Theo Hernandez, Ibra e zhbllokoi rezultatin me kokë, ndërsa golin e dytë në San Siro e realizoi nga pika e bardhë.

“Jam në formë të mirë, po angazhohem, kjo është ndeshja e dytë konkurruese e sezonit. Fituam dhe unë kam mundur të shënoj më shumë. Po të isha 20 vjeç, do t’i kisha shënuar edhe dy të tjerë…”.

Lexo po ashtu Milani e nis mbarë, Ibrahimovic me dy gola i siguron tri pikët e para në sezonin e ri

“Nuk jam plak, jam sikur Benjamin Button, e nis plak dhe vdes i ri! T’i lëmë shakatë anash, skuadra luajti mirë, nuk jemi në 100 për qindëshin tonë, prandaj i bëjmë disa gabime që nuk i kemi bërë”, ka deklaruar Ibra për Sky Sport Italia. /Telegrafi/