Zlatan Ibrahimovic nuk do të mund të paraqitet në takimin që Milani e zhvillon ndaj Liverpoolit në kuadër të fazës së grupeve të Ligës së Kampionëve, raporton Fabrizio Romano.
Sulmuesi suedez ndjen dhimbje në kyçin e këmbës, e duket që e ka pësuar në takimin ndaj Lazios.
Në atë takim, Ibrahimovic u rikthye me gol, pas një kohe të gjatë që mungoi për shkak të një lëndimi në gju.
Duket se sulmuesi do ketë lëndime të njëpasnjëshme, pasi tashmë është 39-vjeçar dhe karriera e tij është në prag të përfundimit.
Ibrahimovic kishte bërë të ditur në fund të edicionit të kaluar se ai e mendon pensionimin nga futbolli, pasi nuk ndihet komod në dhimbjet që po i shkaktojnë lëndimet.
Milani është mysafir i Liverpoolit në sfidën që luhet të mërkurën e kësaj jave nga ora 21:00 në stadiumin “Anfield Road”. /Telegrafi/
Zlatan Ibrahimovic will miss Liverpool-Milan tomorrow night. He has problems with Achilles tendon and he’s not gonna be part of the UCL match at Anfield. 🚨🇸🇪 #ACMilan #Ibrahimovic #LFC #UCL
— Fabrizio Romano (@FabrizioRomano) September 14, 2021