Zlatan Ibrahimovic e ka gjetur rrjetën në ndeshjen ndërmjet Milanit dhe Cagliarit, të cilën skuadra e tij e fitoi me rezultat 2-0.
Ky nuk ishte vetëm një gol rikthyes për 38-vjeçarin me fanellën e Rossonerëve, porse shënoi një statistikë të mahnitshme.
Goli i shënuar do të thotë se Ibra ka arritur të realizojë në katër dekada të ndryshme, duke qenë se për herë të parë realizoi në vitin 1999 me Malmon.
Më 30 tetor 1999, Zlatan e shënoi golin e tij të parë për ekipin suedez në ndeshjen kundër Vastra Frolunda, para 7388 ditësh.
Që atëherë, ai ka kaluar një karrierë të jashtëzakonshme, si për trofetë e fituara, ashtu edhe për numrin e golave, i cili është ngritur në 475 të shtunën.
Gjatë karrierës së gjatë, Ibra ka luajtur për nëntë klube të ndryshme, në Suedi, Holandë, Itali, Spanjë, Francë, Angli dhe SHBA.
Golat e Zlatan Ibrahimovic me klube deri më tani:
1999-2001 Malmo: 47 paraqitje, 18 gola
2001-04 Ajax: 110 paraqitje, 48 gola
2004-06 Juventus: 92 paraqitje, 26 gola
2006-09 Inter: 117 paraqitje, 66 gola
2009-10 Barcelona: 46 paraqitje, 22 gola
2010-12 Milan: 85 paraqitje, 56 gola
2012-16 PSG: 180 paraqitje, 156 gola
2016-18 Man United: 53 paraqitje, 29 gola
2018-19 LA Galaxy: 58 paraqitje, 53 gola
2020 Milan: 1
/Telegrafi/