Zlatan Ibrahimovic nuk mund të zgjedh mes Interit dhe Milanit para derbit që do të zhvillohet mes këtyre dyjave.
Në një intervistë për Sky Sports, sulmuesi i Los Angeles Galaxy foli për derbin i njohur si Madoninna.
Ai ka luajtur me të dyja klubet në karrierën e tij të bujshme.
Ibrahimovic deklaroi se derbin e Milanos le ta fitojë ekipi më i mirë në fushë duke mos zgjedhur një skuadër të preferuar.
“Si një ish-interist dhe ish-milanist, derbi do të jetë gjithmonë një spektakël, gjithmonë i bukur për t’u parë si tifoz dhe ta luash si futbollist”.
“Shpresoj të jetë një ndeshje e bukur dhe tifozët të argëtohen”.
“Kush fiton? Të shohim, shpresoj të fitojë më i miri dhe ju uroj fat të mbarë të dyja ekipeve”, ka deklaruar Ibra.
Ibrahimovic ka luajtur edhe te Juventusi. /Telegrafi/