Kryetari i Komunës së Gjilanit, njëherësh anëtar i kryesisë së Lëvizjes Vetëvendosje, Alban Hyseni, ka thënë se rregullorja e BQK-së për dinarin serb, e shton sundimin e ligjit në veri.
Sipas tij, kjo rregullore është ligjërisht e implementueshme.
“Është një nga vendimet që e ka një lloj mekanizmi shtesë të sigurisë për të vazhduar sundimin e ligjit, sidomos në veri. Rregullorja nuk nxjerr diçka të re që nuk është ligjërisht e implementueshme”, tha ai në RTV Dukagjini.
I pyetur se a ka pasur koordinim qeveria me aleatët ndërkombëtarë, Hyseni tha se nuk është i informuar saktë për këtë çështje.
Sipas tij, qëllimi i Serbisë është që përmes dinarit t’i kontrollojë serbët lokalë të Kosovës.
“Vendimi për dinarin nuk paraqet risi. Janë folur rreth 800 milionë euro në Kosovës, që kanë qenë mjet i kontrollit dhe i pushtetit të Beogradit brenda Kosovës. Qëllimi final i ndalimit të dinarit duhet të jetë ky”, tha ai.
