Barcelona ka regjistruar një triumf sensacional në udhëtim te Real Betisi, ku fitoi me rezultat 3-2.
Katalunasit ishin në disavantazh prej një goli në pjesën e parë, ndërsa me inkuadrimin e Lionel Messit në gjysmën e dytë ndryshoi gjithçka.
Superylli argjentinas hyri në lojë në minutën e 57-të dhe i mjaftuan pak më shumë se dy minuta për t’u regjistruar në listën e golashënuesve.
Ai pranoi një top në zonë nga Ousmane Dembele dhe përkundër se disa futbollistë të Betisit provuan ta bllokonin, 33-vjeçari e dërgoi topin në rrjetë (59’).
Në vazhdim, Barca kaloi në epërsi (autogol i Victor Ruiz) dhe përkundër se vendasit barazuan (Victor Ruiz përmirësoi gabimin), katalunasit e shënuan edhe golin e tretë dhe të fitores (realizoi Trincao) për të arkëtuar pikë të plota nga kjo sfidë. /Telegrafi/
https://twitter.com/Lazan7nhona/status/1358526140663685125