Një aeroplan rus SU-25 për pak u godit nga raketat e shumta të cilat si duken u shkrepën aksidentalisht nga një sistem raketor rus, i tipit Grad.
Pamjet të cilat kanë bërë xhiron në internet, tregojnë momentin kur aeroplani rus u shpëtoi “për një fije floku” raketave që u shkrepën në drejtim të tij, transmeton Telegrafi.
E gjitha kjo si duket kishte ndodhur në mënyrë aksidentale, dhe aeroplani rus duhej të bënte manovra për të shpëtuar nga sulmi.
Së paku katër raketa u shkrepën në drejtimin ku fluturonte aeroplani.
Nuk dihet se në cilën zonë janë xhiruar pamjet, megjithatë kjo mund të ketë ndodhur në territorin ukrainas. /Telegrafi/