Maykool Coroseo Asuna – që ka qenë duke shëtitur nëpër Amazonë të Brazilit – e ka humbur papritmas kontaktin me grupin. Turisti 25-vjeçar është larguar për pak nga vendi ku ishte kampi, por më nuk mundte ta gjente grupin për çka humbet thellë në xhungël, transmeton Telegrafi.
Rojat dhe njohësit e terrenit të dendur me drurë dhe barishte, e kanë kërkuar pa ndërprerë, por turisti nga Kili ishte e pamundur të gjendej.
“Mbijetova fal majmunëve, që më gjuanin pemë të ndryshme dhe më dërguan te burimi i ujit. Ishin bashkëpunues dhe nuk më linin vetëm”, ka thënë Asuna lidhur me rastin. “I hoqa papuçet, hodha telefonin dhe ndriçuesin e vogël, Ndjehesha më mirë pa to. Ishte eksperiencë e vështirë, që pati përfundim të mirë.”
Gjatë kohës sa ka qenë i humbur, ai është thumbuar nga shumë insekte, por jo edhe nga ndonjë grabitqar. Pasi është gjetur, gjendja tij shëndetësore është normalizuar. /Telegrafi/
