Telegrafi

Humbja në peshë dhe formësimi trupor, tifozët e lavdërojnë transformimin e Andy Ruiz

(Foto: Getty Images/Guliver/Instagram)

Andy Ruiz Jr ka marrë lëvdata të shumta nga tifozët e boksit për transformimin trupor para rimeçit ndaj Anthony Joshuas.

Boksieri meksikano-amerikan ia rrëmbeu titujt britanikut në muajin qershor, ndërsa ata e kanë caktuar duelin e radhës për datën 7 dhjetor të këtij viti.

Lexo po ashtu Andy Ruiz tregon dukjen e re dhe e paralajmëron Joshuan se do të jetë më i lehtë, më i shpejtë dhe më i fuqishëm

Asokohe, ai peshonte rreth 121.5 kilogramë, ndërsa para duelit të radhës pritet të ketë rreth 6.5 kilogramë më pak.

Andy Ruiz Jr dhe Michael Hunter (Foto: Twitter/Michael Hunter ll)

Konkurrenti në kategorinë e peshave të rënda, Michael Hunter (i cili do të jetë njëri nga boksierët që do të duelojë në mbrëmjen e madhe në Arabinë Saudite), e ka publikuar një fotografi të përbashkët me kampionin e unifikuar pas sparingut.

Shumë tifozë kanë reaguar pozitivisht ndaj fizikut të Ruiz, të cilin e kanë komplimentuar për humbjen në peshë the formësimin e trupit. /Telegrafi/