Gareth Southgate ka sugjeruar se do të marrë pak kohë për të reflektuar para se të vendosë nëse dëshiron të vazhdojë në krye të Anglisë.
53-vjeçari i udhëhoqi ‘Tre Luanët’ drejt vendit të dytë në Euro 2024, tri vite pasi ekipi i tij përfundoi po ashtu si i dyti në Euro 2020.
Përpjekja e fundit e Anglisë për të fituar turneun e parë madhor që prej vitit 1966 mori fund mbrëmjen e së dielës me një humbje me rezultat 2-1 nga Spanja.
Në më pas se një orë pas përfundimit të ndeshjes, Southgate u pyet rreth të ardhmes së tij në një intervistë.
“Nuk mendoj se është koha e mirë për të marrë një vendim. Më duhet të flas me personat e duhur. Nuk është koha tani”, ka thënë Southgate.
Përzgjedhësi anglez ka qenë në krye të kombëtares që nga shtatori i vitit 2016, ndërsa ka kontratë me Federatën e Futbollit të Anglisë deri në dhjetor.
Pas humbjes ndaj Spanjës, Southgate tha se ndihet krenar për lojtarët e tij, por gjithashtu dha lëvdata të mëdha edhe për kundërshtarin.
“Mendoj se ishin ekipi më i mirë në këtë turne. Ne nuk e mbajtëm topin ashtu siç duhet, por luftuam deri në fund. Jam i shkatërruar për të gjithë, lojtarët kanë qenë të jashtëzakonshëm, unë jam shumë krenar”.
“Ne kishim momentet tona, një mundësi të madhe në fund për të shënuar po ashtu, por nuk jam i sigurt nëse bëmë më të mirën”, përfundoi ai./Telegrafi/