Një adoleshente që ishte pas timonit kishte humbur kontrollin dhe ishte futur në oborrin e një shtëpie private, duke goditur kështu drejtpërdrejt 9-vjeçaren që po luante, e kamerat e sigurisë kanë filmuar këtë moment rrëqethës.
Bëhet fjalë për LaDerihanna Holmes që po luante para shtëpisë në Lithonia, Georgia, kur një veturë u shfaq nga askund dhe e shtypi duke e përplasur në shtëpi, transmeton Telegrafi.
Në videon e publikuar më poshtë shihet vajza e cila e kupton se po i rrezikohej jeta, dhe duke tentuar të ikë ajo goditet nga vetura dhe përplaset në shtëpinë e saj.
E sikur kjo të mos mjaftonte, të dyshuarit që ishin brenda veturës shihen duke u arratisur nga vendi i ngjarjes, kurse familjarët vrapojnë për ta shpëtuar. Me të dërguar në spital, është konstatuar se ka frakturë në kafkë, eshtrat të thera si dhe gërvishtje të thella.
Megjithatë edhe pse ka probleme edhe me zemër pas përplasjes, avokati i familjes së saj Chris Steëart e cilëson si mrekulli faktin që ajo ka shpëtuar.
“Habitem se si ka shpëtuar klientja ime. E di se shërimi i saj do të zgjasë paksa, por ajo sërish do të ngritet në këmbë”, ka shtuar Stewart.
Familjarët e LaDerihannas kanë shpërndarë pamjet duke shpresuar se shoferi i veturës do të lajmërohet tek autoritetet kompetente. E policia ka njoftuar se pronari i veturës i kishte thënë hetuesve se ishte në punë në momentin kur vetura e saj përfundoi në një shtëpi private, duke pranuar se ia kishte dhënë të dashurit.
Pronarja e veturës gjithashtu ka thënë se i dashuri i saj është në të 30-at, kurse dy të dyshuarit që janë arratisur në vendi i ngjarjes ishin adoleshentë.
“Duhet ta kuptojmë se si këta adoleshentë arritën të futen dhe ta marrin veturën time”, ka shtuar ajo për ABC News. /Telegrafi/
