Kamerat e sigurisë të vendosura brenda veturës zyrtare të policisë në Utah të SHBA-ve, kanë filmuar një aksident të tmerrshëm trafiku.
Në një rrugë të mbuluar me borë, zyrtari policor Kyde Brenchly shihet duke dalur nga vetura e tij dhe niset në drejtim të veturës që e kishte përballë, transmeton Telegrafi.
Në ato momente një veturë që lëvizte me shpejtësi godet policin, pasi me sa duket shoferi i saj kishte humbur kontrollin mbi timonin në rrugën e rrëshqitshme.
Ai goditet aq shumë, sa që e hedh disa metra larg dhe e përplas për veturën që ishte ndalur. Për fat të mirë ai i ka shpëtuar më të keqes me vetëm një dorë të thyer.
“E gjitha çfarë më kujtohet është se kam dalur nga vetura dhe më pas më është bërë terr para syve”, ka deklaruar Brenchly i cili pasi pa pamjet mbeti i habitur se si ka mbijetuar. /Telegrafi/
https://www.youtube.com/watch?time_continue=4&v=Hjqnk5Q5qH4