Falë performancës së shkëlqyer të Eden Hazard në Stamford Bridge, Callum Hudson-Odoi e ka përshkruar si “idhullin” e tij.
Futbollisti belg ka shënuar dy gola në fitoren e Bluve ndaj West Ham United, me ç’rast skuadra e tij është ngritur në vend të katërt në tabelë.
“E gjitha që mund të them është se e pashë gjithë ngjarjen dhe mbeta gojëhapur, gjatë gjithë kohës”.
“Ishte çmenduri, ai është një lojtar i jashtëzakonshëm. I dimë cilësitë e tij. Është lojtar i madh dhe nuk ka dyshim se pres gjëra të tilla nga ai”.
“Vazhdimisht e shikoj dhe mësoj nga gjërat që ai i bën në stërvitje dhe në ndeshje, prandaj ai është një model që e ndjekë dhe një idhull po ashtu”, ka deklaruar Hudson-Odoi për Chelsea TV. /Telegrafi/