Telegrafi

Hoxhaj thotë se demarkacioni është në rregull

Ministri i jashtëm dhe njëherësh numri dy i PDK-së, Enver Hoxhaj, në “Rubikon” të KTV-së ka thënë që procedimi i marrëveshjes do të ndodh javën që vjen në Qeveri për të vazhduar pastaj në Kuvendin e Kosovës.

“Mendoj që kjo temë është e konsumuar pasi kemi fol aq gjatë për temën e demarkimit të kufirit”, ka thënë Hoxhaj.

Hoxhaj beson se procesi i demarkacionit është në rregull dhe nuk duhet të ketë frikë për gabim apo humbje të territorit.

“Duhet të përmbyllet ky proces. Nuk kam dal që ta shoh çdo bjeshkë të Kosovës por nga raportet që kam lexuar i cili është marrë me shënimin e vijës dhe nga bisedat që kam pas, kam përshtypjen që aty është çdo gjë është në rregull”, ka thënë ai.

Ministri Hoxhaj sugjeroi që të tejkalohen dallimet dhe të ketë debat për këtë temë.

Ai ka thënë se ratifikimi i marrëveshjes mbetet kusht i patjetërsueshëm për liberalizimin e vizave.