Zëvendëskryetari i PDK-së, Enver Hoxhaj ka folur edhe për procesin e liberalizimit duke thënë se PDK-ja e ka nisur në vitin 2012 dhe e ka përmbushur me sukses pjesën e saj të obigimeve.
Në magazinën zgjedhore në Klan Kosova, ai ka thënë se nga 104 krietere, PDK-ja i ka plotësuar 103 kurse vetëm një që i ka mbetur opozitës – ka dështuar. Ai fjalën e ka pasur për demarkacionin.
“Në 2012 procesi zyrtar i liberalizimit të vizave ka nisur me PDK-në. E kemi marrë udhërrfyesin dhe për dallim nga shumë vende të tjera në rajon, për Kosovën janë dyfishuar kriteret. Megjithatë, nga 104 kritere, PDK-ja i ka përmbushur 103 me qeverisjen e saj. Opozitës vetëm 1 i ka mbetur, edhe në atë ka dështuar duke mos e votuar demarkacionin” ka thënë Hoxhaj.
Nënkryetari i PDK-së, Enver Hoxhaj duke folur për demarkimin e kufirit me Malin e Zi ka thënë se beson se kjo çështje që ishte problematike tash e sa kohë do të zgjidhet me Qeverinë e ardhshme të Kosovës.
“Ne besojmë që do të arrijmë konsensus dhe këtu ska dallim mes PDK-së, AAK-së e partive të tjera me qëllim që në një afat të caktuar kohor ta ratifikojmë marrëveshjen, ky është një kusht obligativ, mund të ketë debate të ndryshme a është kusht i drejtë ose jo por është kusht që qëndron aty”.
“Tema më e madhe e këtij koalicioni është përmbyllja e shtetndërtimit, prandaj do të ulemi me Haradinaj dhe do të bëjmë zgjidhjen, do të bisedojme me partnerët malazezë, por ne si subjekt politik kemi qëndrimet e qarta”./Telegrafi/