Zëvendëskryeministri i Kosovës, Enver Hoxhaj ka hedhur poshtë propozimin e kryetarit të Vetëvendosjes, Albin Kurti, në lidhje me ratifikimin e demarkacionit me Malin e Zi.
Hoxhaj deklaroi se qytetarët janë dërrmuar nga diskutimi i temës së demarkacionit që gati tri vjet.
Duke iu referuar letrës që Kurti i dërgoi kryeministrit Haradinaj këtë javë, zëvendëskryeministri Hoxhaj theksoi se nuk ka me nevojë për letra dhe ide që e kthejnë këtë çështje në pikën zero, por është koha që të votohet kjo marrëveshje.
“Jemi dërrmuar nga diskutimi i temës së demarkacionit që gati tri vjet, pa qenë në gjendje ta ratifikojmë. Nuk kemi më nevojë për letra dhe ide që çojnë në pikën zero. Tani është koha për të votuar pro kësaj marrëveshjeje dhe të ecim përpara si shoqëri dhe si shtet. Deputetët duhet ta votojnë demarkacionin tash!” ka shkruar Hoxhaj në Facebook.