Analisti politik, Ylli Hoxha, ka theksuar se për të kaluar vitin, duhet të ketë së paku një dialog politik ndërmjet partive të mëdha shqiptare.
Në Debat Plus, Hoxha ka shprehur shqetësimin e tij për gjendjen aktuale politike dhe ka theksuar nevojën për një pajtim midis tri partive të mëdha, siç janë Lëvizja Vetëvendosje dhe PDK ose LDK, për të siguruar stabilitetin e vendit.
“Kur e pamë Zelensky si është përulur në atë masë në Uashington, në mënyrë të paparashikueshme, dhe ne mendojmë se kemi ndonjë vlerë të shtuar, që na tolerohet neve të themi se anëtarët e partisë kundërshtare nuk flasin mes vete. Në momente të tilla duhet me pas së paku dialog politik”, ka deklaruar Hoxha.
Sipas tij, ky dialog dhe pajtim mes partive do të ishte një hap i nevojshëm për të kaluar vitin disi, duke siguruar një bashkëpunim qeverisës.