Ish-zëvendëskryeministri i Qeverisë së Kosovës, Avdullah Hoti ka thënë se vendimi i Qeverisë në detyrë që përjashtin shërbimet e Telekomit nga procedurat e prokurorimit publik është kundërshtues pasi kufizon konkurrencës së lirë.
Hoti përmes një postimi në Facebook ka thënë se Ligji i Prokurorimit mund të përjashtohet vetëm kur blihen pajisje ushtarake apo mjete speciale për AKI-në, policinë ose FSK-në.
“Vendim i Qeverisë në detyrë, që i përjashton shërbimet e Telekomit nga procedurat e prokurimit publik me arsyetimin se janë shërbime të rëndësisë së veçantë shtetërore, është kundërkushtetues pasi e kufizon konkurrencën e lirë. Ligji i prokurimit mund të përjashtohet përveç kur blihen pajisje ushtarake jo standarde, mjete speciale për AKI, Policie, FSK dhe raste të kësaj natyre”, shkruan Hoti.
Po ashtu, edhe në këto raste, sipas Hotit, mund të përjashtohen vetëm disa procedura të prokurimit.
“Në fakt, edhe në ato raste, përjashtohen vetëm procedurat e hapura të prokurimit, dhe zbatohen procedurat e mbyllura dhe negocuese për të siguruar vlerën për paratë që paguhen. Shërbimet telefonike, të televizionit kabllovik dhe internetit që ofron Telekomi nuk përbëjnë shërbim të veçantë shtetëror, por shërbime publike që secili nga ne e kemi në familjet tona”, shprehet Hoti. /Telegrafi/
