Kryeministri në detyrë i Kosovës, Avdullah Hoti ka thënë se është i prekur thellë nga lajmi që Kroacia është goditur nga tërmeti.
Hoti ka thënë se në emër të Qeverisë shpreh solidarizim pas tërmetit në Kroaci.
“I prekur thellë nga lajmi që Kroacia është goditur nga tërmeti, epiqendra e të cilit ishte në veri të Zagrebit. Në emër timin dhe të Qeverisë shprehi solidarizimin me institucionet e Republikës së Kroacisë dhe qytetarëve të saj. Jemi me ju, miq, në ditë të mira dhe të vështira”, ka pohuar Hoti në Facebook.
Ndryshe, në orët e mëngjesit të ditës së hënë, në Kroaci kanë ndodhur tri tërmete me fuqi relativisht të lartë. Sipas mediave kroate, përcjell Telegrafi, edhe Zagrebi gjithashtu u trondit nga dridhjet e tokës, megjithëse epiqendra ishte afër Petrinja.
Sipas vlerësimeve fillestare të autoriteteve, tërmeti kishte një magnitudë 5.1 ballë të shkallës Rihter. /Telegrafi/
