Të paktën shtatë persona kanë gjetur vdekjen, duke përfshirë një fëmijë, kur persona të armatosur hapën zjarr në një resort në Meksikë të shtunën, sipas autoriteteve lokale.
Një dëshmitar okular i sulmeve u tha autoriteteve lokale se njerëzit e armatosur kishin mbërritur në resort dhe kishin hapur zjarr rreth orës 16:30 – sipas kohës lokale të shtunën, përcjell Telegrafi.
Ushtria meksikane dhe forcat e sigurisë janë vendosur për të kërkuar personat e armatosur pas sulmit, i cili ndodhi në qytetin Cortazar në shtetin qendror të Guanajuato.
Aproximadamente veinte sicarios entraron al balneario La Palma en Cortazar, Guanajuato, y hay al menos 7 personas muertas menor de edad.
El lunes va a salir a carcajearse de las masacres? pic.twitter.com/BiVk4MjJae
— 𝙇𝙤𝙡𝙖 𝙈𝙚𝙣𝙩𝙤 (@007Lola_Mento) April 16, 2023
Kur forcat lokale të sigurisë mbërritën në vend, ata gjetën trupa të pajetë, duke përfshirë një fëmijë më të vogël se shtatë vjeç, dhe gëzhoja, tha qeveria komunale në një deklaratë.
Përveç shtatë të vdekurve, një person u plagos rëndë dhe u dërgua në spital.
En #Cortazar, Guanajuato, comando armado acribilla a varias personas en un balneario. Reportan 7 muertos por la #masacre pic.twitter.com/SpEtbBX2Z0
— Alfredo Alvarez (@AlfredoAlvarezz) April 16, 2023
Deri më tani, nuk është bërë asnjë arrestim dhe autoritetet thonë se janë ende duke hetuar motivin.
Guanajuato është një qendër kryesore bujqësore dhe prodhuese dhe vend prodhimi për shumë prej prodhuesve më të mirë të makinave në botë.
Megjithatë, ajo ka një reputacion për incidente të dhunshme dhe është tronditur vitet e fundit nga luftërat brutale në terren midis bandave rivale të drogës.
Ky rajon është tërheqës për kartelet e drogës për të njëjtën arsye që është për prodhuesit e automjeteve: sepse rrjetet rrugore dhe hekurudhore që të çojnë drejt e në kufirin e SHBA. /Telegrafi/