Prodhimi më i fundit filmik i Kosovës dhe Maqedonisë, filmi i metrazhit të gjatë ‘Home Sweet Home’, i skenaristit Zymber Kelmendi me regji të Faton Bajraktarit dhe producent Trim Musliu, do të shfaqeët për herë të parë në PriFest.
Filmi tregon historinë e Agronit, një luftëtari të shpallur i vrarë ne luftë. Rrugët mbajnë emrin e tij, shkolla e qytetit po përuron shtatoren e re në nder të rënies së tij heroike, por ka vetëm një problem: Agroni është gjallë!
Filmi është prodhim i vitit 2016 dhe ka mbledhur në kastin e tij emra të njohur, si: Donat Qosja, Arta Muçaj, Shkumbin Istrefi, Lea Qosja, Mona Mustafa dhe Albin Bajraktari.
Filmi është bashkëprodhim i shtëpive filmike Cineproduction nga Kosova dhe Arnel Production nga Maqedonia.
“Home Sweet Home” do jetë pjesë e programit “Special Screenings” gjatë Prishtina International Film Festival dhe do shfaqet me 25 prill, në orën 20:00, tek Salla e Kuqe në Pallatin e Rinisë ish “Boro e Ramizi”.