Athletic Bilbao është i interesuar të nënshkruajë me sulmuesin e Juventusit, Gonzalo Higuain, për sezonin e ardhshëm – shkruajnë mediat spanjolle.
32-vjeçari është nën kontratë me Zonjën e Vjetër deri në qershor të vitit 2021 dhe ka kontribuar me tetë gola dhe tetë asistime në 33 ndeshje këtë sezon.
Sipas Marca, Higuain do të ishte në gjendje të kalonte kriteret e rrepta të Bilbaos, sepse ai është stërnip i një basku që emigroi në Argjentinë.
Klubi bask nuk pranon lojtar me orgjinë tjetër, pa pasur dikë në familje bask.
Kjo do të ishte kombësia e tretë për Pipitan, e cili ka lindur në Brest të Francës, pasi babai ishte duke luajtur atje në atë kohë.
Ai tashmë ka luajtur në Spanjë me Real Madridin nga viti 2007 deri në vitin 2013, duke kaluar pastaj në Napoli dhe Juventusi, por edhe si huazim te Milani e Chelsea. /Telegrafi/