Në objektet e Federatës së Futbollit të Kosovës (FFK) është hedhur shorti për çerekfinalet e Digitalb Kupës së Kosovës.
Nga ora 12:00 ka filluar hedhja e shortit për çerekfinalet e Kupës së Kosovës dhe tashmë janë mësuar çiftet.
Në bazë të shortit të dalë, takimi ndërmjet Drenicës dhe Gjilani parashihet të jetë dueli më interesant i kësaj faze, pasi dy klubet bëjnë pjesë në Superligë.
Interesant pritet të jetë edhe takimi i Prishtinës me Vushtrrinë, ashtu sikurse ai në mes të Dukagjinit dhe Ballkanit.
Skuadra e vetme nga Liga e Parë që ka mbetur ende në garë, Liria do të luaj në shtëpi ndaj kampionit dhe fituesit në fuqi të Kupës, Feronikelit.
Ndeshjet e këtij rrethi të Kupës së Kosovës do të zhvillohen më 8 dhe 9 shkurt të vitit të ardhshëm.
Çerekfinalet do të luhen me nga një ndeshje, pra me sistem eliminimi.
Çiftet e çerekfinaleve:
Drenica – Gjilani
Dukagjini – Ballkani
Liria – Feronikeli
Prishtina – Vushtrria
/Telegrafi/