Zyra për Mbrojtje dhe Kushtetutë ka konfirmuar raportet e mediave se grupi libian shiit Hezbollah ka ruajtur sasi të nitrat amoniumit në një depo në Gjermaninë Jugore.
Zyra i tha gazetës Die Zeit se të ashtuquajturat pako të ftohta që përmbanin materiale të nitrat amoniumit ishin zbuluar në vitin 2016 dhe më pas ishin larguar jashtë vendit, raporton BBC.
“Paketat e ftohta të ruajtura u nxorën jashtë vendit në vitin 2016. Nuk ka asnjë tregues se ruajtja e këtyre paketave të ftohta ka ndonjë lidhje me depon në portin e Bejrutit”, thuhet në deklaratën e zyrës, transmeton Telegrafi.
Eksperti i terrorizmit, Michael Ortmann u citua duke thënë për mediat se disa qindra kilogramë nitrat amoniumi ishin ruajtur në shtetin gjerman.
Raportet e mediave thonë se shërbimi sekret izraelit Mossad paralajmëroi autoritetet gjermane për ekzistencën e magazinës në fillim të këtij viti duke dhënë edhe informacione të mëtejshme në lidhje me veprimtarinë e grupit.
Ministria e brendshme e Gjermanisë nuk ka pranuar të japë detaje të tjera, duke përmendur nevojën për të mbrojtur hetimet aktive. /Telegrafi/