Jupp Heynckes ka folur në konferencë për shtyp para ndeshjes kthyese të Bayern Munichut ndaj Real Madridit.
Ndeshja e parë gjysmëfinale e Ligës së Kampionëve e zhvilluar në Allianz Arena përfundoi me fitoren e Real Madridit me rezultat 1-2.
Por, trajneri gjerman Heynckes mendon se skuadra e tij di si të ngritet dhe pret efikasitet më të mirë se në ndeshjen e parë.
“Nesër do të jetë një ndeshje shumë e vështirë për ne, por edhe për kundërshtarët tanë”, ka thënë fillimisht Heynckes në konferencë për shtyp.
🗣 #Jupp's turn: "Tomorrow will be a really difficult match for us – but also for our opponents." 💪 #RMAFCB #packmas #FCBayern #MiaSanMia pic.twitter.com/vMxggb7FVV
— FC Bayern English (@FCBayernEN) April 30, 2018
“Skuadra ime e di si duhet të ngritet në këtë rast”.
“Duhet të jemi më efikas se sa në ndeshjen e parë”.
“Ne kemi shënuar shumë gola gjatë gjithë sezonit dhe shpresoj që mund të tregojmë efikasitetin që zakonisht karakterizon lojën tonë”.
“Në futboll, vendosmëria mund të lëvizë malet”, përfundoi trajneri gjerman. /Telegrafi/